Kōmanawa ake te whakaingoingo ki ngā parekura whakaharahara o te wā.
E tumeke ana te motu i te karere, kua hinga te kīnga Māori a Kiingi Tuheitia Pootatau Te Wherowhero VII e 69 tau te pakeke.
Nō muri tata i te poupoutanga o te pō a Kiingi Tuheitia ka mate whai muri i te pokanga o tōna manawa.
Hei tā te Kiingitanga, "Kiingi Tuheitia Pootatau Te Wherowhero VII has died peacefully this morning, accompanied by his wife Makau Ariki and their children Whatumoana, Korotangi and Ngawai Hono I Te Po."
E ai ki te māngai o te Kiingitanga, a Rahui Papa mā tētahi karere pāpāho, i te hōhipera te Kiingi e whakaoraora ana whai muri i te pokanga i timata i muri tata i tōna koroneihana 18.
"The death of Kiingi Tuheitia is a moment of great sadness for followers of Te Kiingitanga, Maoridom and the entire nation."
Hei tā Rahui anō, nō te ata o te Paraire te tūpāpaku o Kiingi Tuheitia ka tau ki Tūrangawaewae, ki reira whakaritehia ai e ngā kaiwhakatikatika tūpāpaku.
Tōna tikanga ka kawea tōna tūpāpaku ki te mahau o Maahinaarangi i te poupoutanga o te rā. Hei reira whakaeke atu ai ngā iwi o Tainui waka ki te tangi i tō rātou kīngi kua tekau ma waru tau e whakaopeope ana i te motu.
Neke atu i te tekau mano tāngata i tau mai ki Tūrangawaewae i tērā wiki ki te whakanui i tōna koroneihana 18. I tae ā-tinana atu ngā mana nui o te iwi Māori, ngā Ūpoko Ariki o Te Moana Nui ā-Kiwa me ngā rangatira o ngā rōpū tōrangapū o Aotearoa, te Pirimia anō hoki.
I reira ka puta i a Kīngi Tuheitia te kōrero mō te kotahitanga o ngā iwi Māori, me te īnoi kia kimihia te ara whakamua e mahi tahi ai a Māori me Pākehā.
Nō te tau 2006 a Kiingi Tūheitia ka whakawahia hei kīngi whai muri i te matenga o tōna māmā, Te Arikinui Te Atairangikaahu, i noho ki te ahurewa tapu o ōna mātua tūpuna i ngā tau 40 neke atu.
Mai anō i tērā wā ka noho a Kiingi Tuheitia hei pītau whakarei mō te iwi Māori. Ka puta i a ia ngā kōrero mō ngā take hauora a te iwi Māori, te tiaki i te hunga rangatahi, me te whakatōpū i ngā iwi o te motu i raro i te kaupapa Tākiri Tū Te Kotahitanga.
Kei Tūrangawaewae Marae a Kereama Wright, me te aha, ka puta i a ia me ngā tini mata o te ao pāpāho Māori ngā karere o te wā haere te rā.
Hei ākuanei....
Comments